Nivel d'Español

Preba del Institutu Cervantes del nivel d'Español de ca ún.

Presta, tardes una media hora y dicente'l tu nivel d'Español.

I. Cervantes

Dir direuto a la preba

Pa meter caña, yo saqué ( Superior + ). Teo les prebes.

AOL - A U Vas.

Ensín escaecer otros temes que pue que seyan más importantes nesti momentu, voi falar primero de la intimidá en internet.  Ye que los de AOL n'América, si ¡ho!, la del norte, espublizó, que se-yos escaparon datos de "milenta millones de diaños"*, perdón de veceros.  El casu ye que, braeramente nun se-yos escaparon nomes ni direcciones, pero si, escaparonse-yos, entre otros, datos de les busquedes y les sos IP's, colo cual, puen rellacionase busqueda con IP, asina puen sabese los vezos y les zunes de les persones.  Ponien los artículos, que una de les IP's estudiaes andaba a la gueta la manera de matar a la muyer, buscolo de varies maneres y varios dies.

Camenteme entos de lo controlaos que tamos, y ficeme una propuesta a mi mesmu.  Cada vegada que me ponga a la gueta d'alguna cosina, voi facer otra que nun venga a cuentu, pa que si miren les mis busquedes polo menos nun-yos quede claro na.
Y ya que taba cuidando tantes coses, cuide tamién que yera perimportante facer les busquedes n'Asturianu, que vean que esistimos.  Voi facelo tamién.

Del restu les coses lo de siempre Turismu, cementu e Ilesia, asina nos va.


* Dizlo en Capitan Haddock, el de Tintín.

Sangria de Sidra

Pa una xarra:

1 Botella sidra
1/2 Botella de kas naranxa
1/2 Botella de trina manzana
Unes gotes de coñac
1/4 Naranxa cortada
1/4 Mazana
1/4 Llimón
Azucar al gustu

Que vos preste abondo

Pal Biyo.

Güei fae un añu que colo
dexaste muncho,
pero colaste colo más guapo
les tus pallabres.

Besinos.


Esti otru nun ye mio, pero ye muncho meyor.


Fendió un costeru na mina
y a un mineru picaor
esfarropó-y les vidayes.
La llume nos güeyos tornóse borrina;
segáron-y l'alma les gafes navayes
de mangu xeleru, de filu traidor.

Ayeri canciaba contentu
como'l ñerbatu'n lloreu,
afayándose'l sustentu
col sudor y col preseu.
Pero, como surde'l truenu
nuna tarde soleyera,
dende' golor a barrenu,
manpostes, polvo y sudor,
surdió la pena cimera
arramplando'l picaor.

Güei ta sola la mina;
los mineros, en filera,
lleven al compañeru
pel camín que lu empobina
a lo fondero'l folleru
de la so hestoria cabera.
Y nuna casuca ruina
berren, neños y muyer,
maldiciendo l'asesina
que-yos guindó al padre ayer.

Pero atrévome apostar
-y de xuro ganaría-
que si tornase alendar,
como l'agua al manantial
¡Pa la mina tornaría!,
pos llevóla nel coral.

Andrés Solar.

Dia d'Asturies

Güei 8 de setiembre, pusieronnos el dia d'Asturies. Nun se si ta bien o no y pa ser sinceru dame lo mesmo. Pero lo que ye perimportante de veres ye que nel imperiu naide alcuerdase de nos, nin el nuesu dia. Esto ye midia de la importancia que los nuesos dirixentes tienen endientru de la estructura de la Estrella de la Muerte.
Pos a nos, escaecennos, pos nos tendriamos qu'escaecelos.
Naide va a ser quien venga a sofitanos, que si queremos algamar dalgun espoyetamientu tenemos que facelo nosotros solinos y tenemos que facelo ya que si non los de la Estrella de la Muerte van sacanos los güeyos y tarazanos les piernes, y cuando nun seamos quien a ver ni andar, a ver como vamos xorecer entos.
Escaecelos y seliquín camienta que naide de la Estrella de la Muerte ni su fiel servidor Twinín ni los sos collacios van agabitanos. Tu solín, ensamau colos tuyos, tienes que facer espoyetar esta Tierra.